Maskara

Siya’y nakangiti na

may ningning ang mga mata,

maayos manamit,

tila walang problema

at nag-uumapaw sa ligaya.

Siya nama’y umaagos

ang mga luha,

walang ayos,

walang arte

malungkot,

masalimuot,

nag-iisa

patung patong ang mga problema.

Ito namang isa’y matapang,

masigasig,

itim kung manamit

buo ang loob

gigibain ano mang balakid.

Siya ay tahimik,

simple,

di magara ang damit,

nakakubli,

walang muwang,

kawawang nilalang.

Ang iba nama’y

nagpupumilit ngumiti

minsan makulay ang damit

pero kadalasa'y pula,

hindi dahil sa pag-ibig.

kundi dahil ang kalooba'y

puno ng pighati.

Marami ang bilang ng

namamahagi

ngunit sa kabila nito'y

higit ang kapalit na minimithi.

May ilang nagsasabing

marunong magpatawad

ngunit ang totoo'y hindi.

Dahil dapat ang katumbas

ng pagpapatawad

ay paglimot sa nagdaan

ng nakangiti.

Marami ang bukang bibig

ay pag-ibig

ng hindi alam ang tunay

na kahulugan.

Minsan ay kulang

minsan ay sobra.

Ano nga ba ang pag-ibig?

Paano nga ba ang umibig?

Di mo rin mabilang

ang mga nagkukubli

sa katotohanan.

Nagmamatapang,

nagmamarunong,

pero umiiwas para masakatan.

Marami ang palasimba

pero bulok ang pag-uugali.

Marami ang hinuhusgahan

batay sa pananamit.

Ang balot ang katawan ay santo

ang nagpapakita ng laman

malapit sa eskandalo.

Tama ba ang batayan na ito?

Sa iba’t ibang lugar

sa iba’t ibang pagkakataon,

maraming nagsasabi

nakamit nila ang tamis ng tagumpay,

tinapakan at niyurakan

ang kapakanan ng karamihan.

Ikaw nama’y

umuusok sa galit,

gustong maghiganti

at kapahamakan ng kapwa

ang minimithi.

Iba’t iba ang anyo

ng iba’t ibang tao.

Ibat-ibang maskara

sa mukha nila’y nakapinta.

Iba’t ibang pananaw

iba’t ibang pag-iisip

iba’t ibang galaw

kaya’t maskara nila’y papalit palit.

Anong uri ng tao ka?

Anong klase ng MASKARA

ang nakasuot sayong mukha?

May lakas ka ba ng loob

na humarap sa mga tao

na suot ay ang

totoo mong mukha?

by: jheng manalang prado

www.echoesbeyondmysoul.blogspot.com